Estrea de "NA META (Sálvese quen poida)" de Thomas Bernhard na MIT RIBADAVIA O 17 de xullo de 2010 ás 20 h. Casa da Cultura.

Ensaios en Ribadavia "NA META (Sálvese quen poida)"

"NAI:
Sálvese quen poida non é un mal título
Un talento lle dixen
Ten vostede un grande talento
pero non estou tan convencida
Os éxitos son mero azar
calquera cousa provoca o éxito
ninguén sabe o que
aínda que se dean tódalas condicións
ninguén sabe o que
Tamén podía ter fracasado
Eu xa cría que non resultaría
Aquela insistencia aquela inflexibilidade
Son seres humanos me preguntei
Entón aplaudiron de súpeto como salvaxes
Alégrome por el naturalmente
Ao principio pensei que non resultaría
remexer na miseria
botarlle á xente á cara desde o escenario
a súa propia inmundicia
Pensei que non resultaría
Cada vez máis inmundicia no escenario
ata que o escenario enteiro está cheo de inmundicia
despois cae o pano
cando o escenario está cheo de inmundicia
Que outra cousa é máis que inmundicia
Está claro que teñen talento
eses mozos
e os vellos artistas os emporcalladores do teatro
Non che parece
que é unha baixeza amosarlle á xente
só a súa inmundicia"

(Fragmento da obra Na Metade Thomas Bernhard, traducida ao galego por Ana Contreras e Afonso Becerra de Becerreá.

Ensaios Ribadavia "NA META (Sálvese quen poida)"

Ensaios Ribadavia "NA META (Sálvese quen poida)" de Thomas Bernhard

"NA META (Sálvese quen poida)". Estrea Casa da Cultura de Ribadavia. 17/07/2010 ás 20 h.

Estrea o sábado 17 de xullo de 2010 ás 20 h. na Casa da Cultura de Ribadavia

Estrea de THOMAS BERNHARD en Galicia: NA META (Sálvese quen poida)

En coprodución coa MIT RIBADAVIA e co apoio do FORO CULTURAL DE AUSTRIA, Ana Contreras e Afonso Becerra de Becerreá estrean THOMAS BERNHARD en Galicia co espectáculo "NA META (Sálvese quen poida)"

“NA META. (Sálvese quen poida)” é unha comedia negra sobre o éxito e o fracaso. Unha revisión humorística sobre o camiño cara á meta de cadaquén e o que nel se perde e se gaña. Unha NAI de armas tomar saca a súa metralladora verbal e fai saltar polos aires algúns dos piares da sociedade. A NAI viúva e a FILLA solteira reproducen dinámicas de dependencia, tiranía e submisión. Un ESCRITOR DRAMÁTICO novo, que vén de triunfar no teatro coa súa obra Sálvese quen poida, diríxese cara á meta das dúas espectadoras que orquestran esta comedia cáustica. Un espectáculo cunha primeira parte na que se fan as maletas e unha segunda na que se desfán. Unhas personaxes que deixan saír os monstros que a meirande parte das persoas agochamos. O riso terrible do coñecemento.

“NA META. (Sálvese quen poida)” conta coa interpretación maxistral da actriz Luísa Merelas, cunha longa traxectoria no teatro, no cine a nas series de ficción televisiva, xunto ao debut no teatro da recoñecida bailarina e coreógrafa Rut Balbís, da Cía. Pisando Ovos, coa que acadou prestixiosos premios. Completando a tríade co actor Toni Salgado, quen ten destacado cos seus papeis na Cía. A Factoría Teatro ou no Centro Dramático Galego (CDG), da man de Cristina Domínguez, Nuno Cardoso, Xan Cejudo e Roberto Salgueiro.


ESTREA o sábado 17 de xullo na Casa da Cultura de Ribadavia. Tamén haberá funcións o domingo 18 e o luns 19 de xullo

Ademais tamén presentaremos a tradución do alemán ao galego de AM ZIELde Thomas Bernhard, realizada por Ana Contreras e Afonso Becerra de Becerreá, publicada pola editorial ourensá Difusora de Letras, Artes e Ideas, dentro da Colección Abrente da MIT RIBADAVIA.

"NA META (Sálvese quen poida)"

Dramaturxia e dirección escénica: ANA CONTRERAS e AFONSO BECERRA DE BECERREÁ.
Escenografía e vestiario: DIEGO COSTA.
Iluminación e son: ANA CONTRERAS.
Achegas coreográficas: RUT BALBÍS.
Deseño e imaxe: ÓSCAR MORENO.
Construción escenografía: PATADEGALO (Punxín, Ourense)
Instalacións eléctricas: ELECTRO BECERRA (Becerreá, Lugo)
Calzado tradicional: ALBERTO GEADA (Artesanía Os Muíños. Mondoñedo, Lugo)
Administración e xestión: AMPARO BECERRA.
Propietaria dos dereitos de representación de Am Ziel: SUHRKAMP VERLAG

Elenco:
Nai - LUÍSA MERELAS
Filla - RUT BALBÍS
Escritor dramático - TONI SALGADO

Agradecementos:
ROBERT KANA e JOSE ROJO (Viena). RUBÉN RUIBAL. ISABEL IGLESIAS. LARA CONTRERAS. MANUELA GÓMEZ (in memoriam) da Casa de Toldo de Vilar de Ousón, Becerreá, Lugo.

"NEURAS" en VIGO, venres 21 de maio de 2010.

Teatro García Barbón - CAIXANOVA de VIGO. O venres 21 de maio de 2010 ás 20,30 h.